नगरधनच्या ६९९ शेतकऱ्यांचा कर्जमाफीचा मार्ग मोकळा; यादीत नावे समाविष्ट करण्याची प्रक्रिया पूर्ण! युको बँकेच्या झोनल कार्यालयामार्फत यादी अपलोड करण्याचे काम सुरू; उद्यापर्यंत प्रक्रिया पूर्ण होणार नगरधन : नगरधन परिसरातील ६९९ शेतकऱ्यांची नावे कर्जमाफीच्या यादीतून सुटल्याचा प्रश्न अखेर मार्गी लागला आहे. संबंधित शेतकऱ्यांनी याबाबत भेट घेऊन आपली समस्या मांडल्यानंतर या प्रकरणाची गंभीर दखल घेत संबंधित प्रशासकीय व बँक अधिकाऱ्यांची संयुक्त बैठक घेण्यात आली. या बैठकीत जिल्हा उपनिबंधक (DDR), जिल्हा विकास व्यवस्थापक (DDA), लीड बँकेचे अधिकारी, युको बँकेचे अधिकारी तसेच सहाय्यक निबंधक उपस्थित होते. बैठकीत या विषयाचा सविस्तर आढावा घेऊन आवश्यक कार्यवाही करण्यात आली. या पाठपुराव्यानंतर नगरधन येथील ६९९ शेतकऱ्यांची नावे कर्जमाफीच्या यादीत समाविष्ट करण्याची प्रक्रिया पूर्ण करण्यात आली आहे. सध्या ही यादी युको बँकेच्या झोनल कार्यालयामार्फत अपलोड केली जात असून, उद्यापर्यंत ही प्रक्रिया पूर्ण होण्याची अपेक्षा आहे. त्यानंतर राज्य शासनाच्या कर्जमाफी पोर्टलवर संबंधित शेतकऱ्यांची नोंदणी होऊन त्यांना कर्जमाफीचा लाभ मिळण्याचा मार्ग मोकळा होणार आहे. कर्जमाफीसंदर्भात शेतकऱ्यांसाठी महत्त्वाच्या सूचना कर्जमाफी योजनेचा लाभ मिळवण्यासाठी शेतकरी बांधवांनी खालील बाबी लक्षात घ्याव्यात. १. १ एप्रिल २०१९ ते ३१ मार्च २०२५ या कालावधीत कर्ज घेतलेल्या आणि ३० सप्टेंबर २०२५ पर्यंत कर्ज थकीत असलेल्या पात्र शेतकऱ्यांना दोन लाख रुपयांपर्यंत कर्जमाफीचा लाभ देण्यात येत आहे. २. दोन लाख रुपयांपेक्षा अधिक कर्ज असलेल्या शेतकऱ्यांनी दोन लाख रुपयांवरील उर्वरित रक्कम ३१ मार्च २०२७ पूर्वी भरल्यास त्यांनाही कर्जमाफीचा लाभ मिळणार आहे. ३. कर्ज घेतलेल्या शेतकऱ्याचा दुर्दैवी मृत्यू झाला असल्यास त्यांच्या वारसांनाही नियमानुसार कर्जमाफीचा लाभ अनुज्ञेय करण्यात येणार आहे. ४. ई-केवायसी, आधारविषयक अटी किंवा ऑनलाइन आधार ऑथेंटिकेशनमधील तांत्रिक अडचणींमुळे ज्या शेतकऱ्यांचा कर्जमाफीचा लाभ अद्याप प्रलंबित आहे, त्यांनी आपल्या तक्रारी लेखी स्वरूपात संबंधित कार्यालयात सादर कराव्यात. तक्रार निवारण सुविधेचा लाभ घ्या! कर्जमाफीच्या लाभासंदर्भात कोणतीही अडचण किंवा तक्रार असल्यास शेतकरी बांधवांनी शासनाच्या कर्जमाफी पोर्टलवर उपल