सांगली जिल्हा ग्रंथालय संघाच्या नूतन पदाधिकाऱ्यांचा आटपाडीत सत्कार आटपाडी, प्रतिनिधी : सांगली जिल्हा ग्रंथालय संघाच्या अध्यक्षपदी एकनाथराव जाधव (इस्लामपूर), उपाध्यक्षपदी पांडुरंग सूर्यवंशी (सांडगेवाडी) व रघुराज मेटकरी, तसेच कार्यवाहपदी सतीश भिंगे (आटपाडी) सहकार्यवाहपदी शिवाजीराव पाटील विष्णू माने शिराळा यांची बिनविरोध निवड झाल्याबद्दल मोफत वाचनालय, विद्यानगर, आटपाडी येथे सत्कार समारंभ उत्साहात पार पडला. माजी आमदार राजेंद्र (अण्णा) देशमुख यांच्या अध्यक्षतेखाली झालेल्या या कार्यक्रमात त्यांच्या हस्ते नूतन पदाधिकाऱ्यांचा सत्कार करण्यात आला. यावेळी आटपाडीचे नगराध्यक्ष यू. टी. जाधव, नगरसेवक ऋषिकेश देशमुख, अजित जाधव, महेश देशमुख, आबासाहेब पाटील, माजी सरपंच शिवाजीराव पाटील, मोफत वाचनालयाचे अध्यक्ष सर्जेराव पाटील तसेच जिल्ह्यातील पदाधिकारी, संचालक आणि ग्रंथालय क्षेत्रातील मान्यवर उपस्थित होते. कार्यक्रमात बोलताना माजी आमदार राजेंद्र (अण्णा) देशमुख यांनी सांगली जिल्हा ग्रंथालय संघाचे जिल्हाधिवेशन आटपाडी येथे आयोजित करण्यासाठी सर्वतोपरी सहकार्य करण्याचे आश्वासन दिले. प्रारंभी शिक्षणप्रसारक व मोफत वाचनालयाचे माजी अध्यक्ष कै. बी. ए. भिंगे यांच्या प्रतिमेचे पूजन करण्यात आले. शिवाजीराव पाटील यांनी प्रास्ताविक केले, सतीश भिंगे यांनी उपस्थितांचे स्वागत केले, तर संजय पाटील यांनी आभार मानले. त्यानंतर झालेल्या सांगली जिल्हा ग्रंथालय संघाच्या पहिल्या मासिक बैठकीत आटपाडी येथे जिल्हाधिवेशन आयोजित करणे, ग्रंथालयांच्या अडीअडचणी शासनाकडे मांडणे, ग्रंथपाल प्रशिक्षण वर्ग सुरू करणे, ग्रंथ महोत्सव आयोजित करणे, वार्षिक सभा घेणे, संघाच्या घटनेत आवश्यक दुरुस्ती करणे तसेच सांगली येथे संघासाठी जागेची शासनाकडे मागणी करणे आदी विषयांवर सविस्तर चर्चा करण्यात आली. राज्याचे उच्च व तंत्र शिक्षण मंत्री तथा सांगली जिल्ह्याचे पालकमंत्री चंद्रकांतदादा पाटील, आमदार गोपीचंद पडळकर व आमदार सुहास बाबर यांची भेट घेऊन सार्वजनिक ग्रंथालयांसाठी जाहीर झालेल्या ४० टक्के अनुदानवाढीची अंमलबजावणी करण्यासाठी शिष्टमंडळाने भेट घेण्याचा निर्णय घेण्यात आला. यावेळी संघाचे उपाध्यक्ष रघुराज मेटकरी, सहकार्यवाह विटा शिवाजीराव पाटील पैड, संचालक आशुतोष पाटील (कामेरी), संभाजी बोराडे (शेगाव), वैभव जाधव (नरसेवाडी), नारायण जाधव (धोंडेवाडी)