रामाला तलाव स्थित वाल्मिकी माचुवा सहकारी संस्थेची ७० वी वार्षिक सर्वसाधारण सभा संपन्न; अनेक महत्त्वपूर्ण निर्णयांना मंजुरी ​चंद्रपूर: स्थानिक रामाला तलाव येथील वाल्मिकी माचुवा सहकारी संस्थेची ७० वी वार्षिक सर्वसाधारण सभा आज, दिनांक २२ सप्टेंबर २०२६ रोजी उत्साहात पार पडली. या सभेच्या अध्यक्षस्थानी संस्थेचे सभापती, माजी नगरसेवक, जिल्हा नियोजन समितीचे सदस्य तथा चंद्रपूर जिल्हा मच्छिमार संघाचे संचालक बंडू हजारे हे होते. ​या प्रसंगी प्रमुख पाहुणे म्हणून चंद्रपूर विधानसभेचे लोकप्रिय आमदार किशोरभाऊ जोरगेवार उपस्थित होते. तसेच राष्ट्रीय मस्त्यजीवी संघटन (फिशकोफीड), नवी दिल्लीचे राष्ट्रीय सत्कारमूर्ती प्रकाश लोणारे, नागपूरचे जिल्हा भोई समाज संघाचे अध्यक्ष नागपुरे गुरुजी, चंद्रपूर जिल्हा मध्यवर्ती बँकेचे संचालक यशवंत दिघोरे, सहकारी संस्था अधिकारी (पदुम) राहुल कोमावार, मत्स्यव्यवसाय सहाय्यक आयुक्त समीर डोंगरे आणि जिल्हा मच्छिमार संघाचे अध्यक्ष यादव मेश्राम यांची विशेष उपस्थिती लाभली. ​कार्यक्रमा दरम्यान मत्स्यव्यवसाय क्षेत्रात उल्लेखनीय कार्य केल्याबद्दल प्रकाश लोणारे यांचा विशेष सत्कार करण्यात आला. ​सभेत संस्थेच्या हिताचे व सभासदांच्या आर्थिक व व्यावसायिक प्रगतीसाठी अत्यंत महत्त्वाचे अनेक निर्णय सर्वानुमते घेण्यात आले. संस्थेच्या प्रगतीचा आढावा घेत आगामी वर्षातील विविध उपक्रमांवर सविस्तर चर्चा करण्यात आली. ​या सभेला नागपूरचे सुखदेव मेश्राम, संचालक पांडुरंग गाऊत्रे, संचालक शंकर बक्कलवार, संचालक देवराव मंचलवार, संचालक विनोद आडेकर, संचालक संतोष झा, संचालक मनोज टोकला, संचालक शंकर गुमेलवार, संचालक कांचन दाते, संचालक संगीता दाडगेलवार तसेच संस्थेचे सचिव विजय कस्तुरे आणि सर्व सभासद मोठ्या संख्येने उपस्थित होते.