आटपाडीत पूर्व रक्षाबंधनातून विश्वबंधुतेचा संदेश अँकर इन : आटपाडीमध्ये आज रक्षाबंधनाच्या पूर्वसंध्येला ब्रह्माकुमारी ईश्वरीय विश्वविद्यालयाच्या केंद्रात विशेष पूर्व रक्षाबंधन कार्यक्रमाचे आयोजन करण्यात आले. या कार्यक्रमातून जात, धर्म, पंथ आणि भेदभावाच्या पलीकडे जाऊन विश्वबंधुतेचा आणि प्रेम, शांती व सद्भावनेचा संदेश देण्यात आला. व्हॉइस ओव्हर : रक्षाबंधन म्हणजे केवळ भाऊ-बहिणीच्या नात्याचा सण नव्हे, तर एकमेकांच्या रक्षणाची, प्रेमाची आणि विश्वासाची भावना जपणारा पवित्र संस्कार... याच भावनेतून आटपाडी येथील ब्रह्माकुमारी ईश्वरीय विश्वविद्यालयाच्या केंद्रात पूर्व रक्षाबंधन कार्यक्रमाचे आयोजन करण्यात आले. समाजाच्या विविध क्षेत्रातील मान्यवर, नागरिक आणि विविध स्तरातील व्यक्तींनी या कार्यक्रमाला उपस्थिती लावली. यावेळी उपस्थित सर्वांना रक्षासूत्र बांधून परस्पर प्रेम, बंधुभाव, शांतता आणि विश्वबंधुतेचा संदेश देण्यात आला. रक्षासूत्राच्या माध्यमातून केवळ व्यक्तीचे नव्हे, तर समाजातील मूल्यांचे, संस्कारांचे आणि मानवतेचे रक्षण करण्याचा संकल्प करण्यात आला. धावपळीच्या आणि तणावपूर्ण जीवनात माणसामाणसातील नातेसंबंध अधिक दृढ व्हावेत, समाजात शांतता आणि सद्भावना निर्माण व्हावी, हा या कार्यक्रमामागील मुख्य उद्देश होता. अँकर आऊट : रक्षाबंधनाच्या निमित्ताने आटपाडीतून देण्यात आलेला हा विश्वबंधुतेचा संदेश निश्चितच समाजाला प्रेम, शांतता आणि एकतेची दिशा देणारा ठरला.