विटा-भिवघाट रोडवर दोन बसचा भीषण अपघात; सहा जणांचा मृत्यू विटा : विटा-भिवघाट रोडवरील रेवणसिद्ध मूळ स्थानाजवळ घाटात दोन बसेसची भीषण धडक झाल्याची प्राथमिक माहिती मिळत आहे. या अपघातात सहा जणांचा मृत्यू झाल्याची प्राथमिक माहिती असून अनेक जण जखमी झाल्याची शक्यता आहे. अपघाताची माहिती मिळताच मदत व बचावकार्य सुरू करण्यात आले आहे. यातील एक बस विटा-भिवघाट मार्गावरील असल्याची माहिती मिळत आहे. अपघाताचे नेमके कारण आणि मृत-जखमींची अधिकृत संख्या अद्याप स्पष्ट झालेली नाही. अधिकृत माहितीनंतर सविस्तर वृत्त प्रसिद्ध करण्यात येईल.