आटपाडीत डुप्लिकेट दारूचा काळाबाजार? स्वस्त दारूच्या मोहात जीवाशी खेळ! अँकर इंट्रो : सांगली जिल्ह्यातील आटपाडी तालुक्यात नामांकित ब्रँडच्या दारूच्या नावाखाली भेसळयुक्त दारूची विक्री होत असल्याची गंभीर चर्चा सध्या सुरू आहे. या प्रकारामुळे ग्राहकांच्या आरोग्याशी खेळ होत असल्याचा आरोप केला जात आहे. या प्रकरणाची वस्तुस्थिती काय आहे, याचा तपास संबंधित यंत्रणांनी करणे गरजेचे आहे. पाहूया हा विशेष अहवाल. व्हॉईस ओव्हर : आटपाडी तालुक्यात गेल्या एक ते दीड वर्षांपासून नामांकित कंपन्यांच्या दारूच्या नावाखाली भेसळयुक्त दारूची विक्री सुरू असल्याची चर्चा आहे. विशेष म्हणजे, तालुक्याच्या सीमेवरील एका गावात डुप्लिकेट दारू तयार केली जात असल्याचा आरोपही केला जात आहे. मिळालेल्या माहितीनुसार, रात्रीच्या अंधारात दररोज वेगवेगळ्या वाहनांचा आणि वेगवेगळ्या वेळांचा वापर करून ही दारू तालुक्यातील काही बारपर्यंत पोहोचवली जाते. सर्वाधिक विक्री होणारे मॅकडॉल, आर.सी. आणि आय.बी.सारखे नामांकित ब्रँड यामध्ये भेसळ केली जात असल्याची चर्चा आहे. सामान्यतः मद्यपान करणारे अनेक ग्राहक देसी बनावटीच्या दारूमध्ये भेसळ असण्याची किंवा गुणवत्तेची खात्री नसल्यामुळे अधिक पैसे खर्च करून नामांकित कंपन्यांची दारू खरेदी करतात. मात्र, आटपाडी तालुक्यात याच नामांकित ब्रँडच्या नावाखाली ग्राहकांच्या माथी भेसळयुक्त डुप्लिकेट दारू मारली जात असल्याचा धक्कादायक प्रकार सुरू असल्याची चर्चा आहे. त्यामुळे अधिक पैसे मोजूनही ग्राहकांची फसवणूक होत असल्याचा आरोप केला जात आहे. ही दारू बाजारभावापेक्षा स्वस्त दरात उपलब्ध होत असल्याने अनेक ग्राहक तिच्याकडे आकर्षित होत आहेत. शिवाय, ती लवकर नशा आणते, त्यामुळे काही मद्यपान करणाऱ्यांमध्ये या बाटल्यांची मागणी वाढल्याचेही सांगितले जाते. मात्र, या स्वस्त दारूची किंमत शरीराला मोजावी लागू शकते. तज्ज्ञांच्या मते, भेसळयुक्त मद्यामुळे दृष्टी कमी होणे, शुद्ध हरपणे, तसेच किडनी, लिव्हर, हृदय आणि मेंदूवर गंभीर परिणाम होण्याचा धोका असतो. अनेकदा ही लक्षणे मद्यधुंद अवस्थेचा भाग समजून दुर्लक्षित केली जातात. (व्हिडिओवर) हा व्हिडिओ शनिवारी रात्री आटपाडीतील अण्णाभाऊ साठे चौक परिसरातील असल्याचे सांगितले जात आहे. भर रस्त्यात एक व्यक्ती मद्यधुंद अवस्थेत तृप्त आत्म्यासारखी झोपलेली दिसत आहे. मात्र, त्याकडे फारसे कोणी लक्