"राजकारण केवळ भाषणांपुरतं मर्यादित न राहता, जेव्हा ते समाजसेवेच्या रूपात जनतेसमोर उभं राहतं, तेव्हा अनेक गरजूंच्या आयुष्यात आशेचा नवा किरण निर्माण होतो. आटपाडीमध्येही असाच एक हृदयस्पर्शी उपक्रम पार पडला..." व्हॉईस ओव्हर (V.O.) स्वर्गीय अजितदादा पवार यांच्या ६७ व्या जयंतीनिमित्त आटपाडी येथे राष्ट्रवादी काँग्रेस पार्टी (अजितदादा गट) आणि प्रकाश हॉस्पिटल, ईश्वरपूर यांच्या संयुक्त विद्यमाने भव्य मोफत आरोग्य तपासणी शिबिराचे आयोजन करण्यात आले. या शिबिराला आटपाडी तालुक्यातील नागरिकांनी उत्स्फूर्त प्रतिसाद दिला. तब्बल सातशेहून अधिक नागरिकांची आरोग्य तपासणी तज्ज्ञ डॉक्टरांच्या मार्गदर्शनाखाली करण्यात आली. विशेष म्हणजे, तपासणीत ज्या रुग्णांना पुढील उपचारांची आवश्यकता असल्याचे निदर्शनास आले, अशा सर्व रुग्णांना उद्याच शिबिराच्या वतीने वाहनाची मोफत सुविधा उपलब्ध करून प्रकाश हॉस्पिटल, ईश्वरपूर येथे नेण्यात येणार असून त्यांच्यावर आवश्यक उपचारही केले जाणार आहेत. त्यामुळे या उपक्रमामुळे अनेक गरजू कुटुंबांना मोठा दिलासा मिळाला आहे. या आरोग्य शिबिराला राष्ट्रवादी काँग्रेस पार्टी (अजितदादा गट)चे युवा जिल्हाध्यक्ष अनिल पाटील, आटपाडी नगरपंचायतीच्या आरोग्य व स्वच्छता विभागाच्या सभापती संध्या पाटील, राष्ट्रवादी काँग्रेस महिला आघाडीच्या जिल्हाध्यक्षा अनिता पाटील, ज्येष्ठ नेते व माजी आमदार राजेंद्र अण्णा देशमुख, जिल्हा बँकेचे संचालक तानाजी पाटील, आरपीआयचे जिल्हाध्यक्ष राजेंद्र खरात यांच्यासह अनेक मान्यवर उपस्थित होते. आरोग्य हीच खरी संपत्ती आहे, या संदेशाला कृतीची जोड देत आयोजित करण्यात आलेल्या या उपक्रमाचे नागरिकांकडून मोठ्या प्रमाणावर स्वागत करण्यात आले असून, गरजूंना वेळेत उपचार मिळावेत यासाठी आयोजकांनी घेतलेला पुढाकार कौतुकास्पद ठरत आहे.