"आटपाडीचं प्रतीक शिल्प… जे शहराची शान, ओळख आणि अभिमान ठरलं होतं. डाळिंब आणि मेंढीचं हे शिल्प म्हणजे आटपाडीच्या संस्कृतीचं प्रतीक! पण नगरपंचायतीच्या निष्काळजीपणामुळे आज तेच शिल्प दुर्लक्ष आणि अधःपतनाचं प्रतीक बनलं आहे…" --- "अण्णाभाऊ साठे चौकातील कोपऱ्यावर उभारलेलं ‘आपली आटपाडी’ शिल्प… या शिल्पाभोवती कारंजं, हिरवळ, रंगीबेरंगी लाइट्स अशी लाखो रुपयांची सजावट केली गेली होती. नागरिक येथे येऊन अभिमानाने फोटो काढतात, आटपाडीचं नाव जगभर पोहोचवत होते. पण आज? या ठिकाणी कारंज्यातलं पाणी अक्षरशः काळं झालं आहे… पाण्यात आळ्या उठलेल्या आहेत… आणि मच्छरांचा उपद्रव प्रचंड वाढला आहे." --- "शहराच्या मध्यवर्ती चौकात, पोलीस स्टेशन आणि तहसील कार्यालयाच्या शेजारी हा रोगट वातावरण तयार झालंय. नागरिक जेथे आनंदाने यायचे, फोटो काढायचे… तेच आता डेंग्यू-चिकनगुनियाचं संभाव्य केंद्र बनलंय." --- "नगरपंचायतीला वारंवार तक्रारी करूनही मुख्य अधिकारी कानावर घेत नाहीत. कालच जिल्हाधिकारी आटपाडीत होते. नागरिकांनी स्वतः कलेक्टरांपुढे नगरपंचायतीच्या निष्काळजीपणाचा पाढा वाचला. पण मुख्य अधिकारी एवढे बेफिकीर की… कलेक्टरांशी देखील भेट घेतली नाही! अधिकारी गायब झाले. आता प्रश्न असा… हे अधिकारी खरंच जनतेसाठी काम करतात की कोणाच्या तरी वरदहस्ताने?" --- Anchor "आटपाडीचं प्रतीक शिल्प हे शहराच्या ओळखीचं दार आहे… आणि त्याची अशी दुर्दशा करणाऱ्या नगरपंचायतीला नागरिकांचा संताप आता प्रचंड आहे. प्रशासनाने तात्काळ पावलं उचलली नाहीत… तर नागरिक रस्त्यावर उतरतील, हे निश्चित आहे!"