**प्रेस नोट** **सारथी संस्थेच्या 'शिकता शिकता कमवा' योजनेतील विद्यार्थ्यांकडून पालकांना कृतज्ञतेची भेट** आटपाडी (ता. आटपाडी) – तहसील कार्यालय आटपाडी येथे सारथी संस्था अंतर्गत ‘सरसेनापती वीर बाजी पासलकर संगणक शिकता शिकता कमवा’ योजनेतील विद्यार्थ्यांनी आपल्या कमाईतून पालकांना भेटवस्तू देऊन त्यांच्याप्रती कृतज्ञता व्यक्त केली. हा उपक्रम शिवजयंतीच्या निमित्ताने आयोजित करण्यात आला होता. या कार्यक्रमाला आटपाडी, खरसुंडी आणि झरे येथील विद्यार्थी आणि त्यांच्या पालकांची उपस्थिती लाभली. कार्यक्रमाचे अध्यक्ष प्रभारी तहसीलदार अभिजित होते. तसेच, तहसील कार्यालयातील अधिकारी आणि कर्मचारी देखील मोठ्या संख्येने उपस्थित होते. यामध्ये पुरवठा निरीक्षक जयश्री बाजड, मंडळ अधिकारी संजय भोंगाळे, शाफिया जमादार, धीरज सुर्वे, ग्राम महसूल अधिकारी विनायक पाटील, विनायक बलटे, आमिर मुल्ला, बालाजी कांबळे तसेच किरण सावंत, पंकज पाटील आणि रितेश बनसोडे यांचा समावेश होता. संस्थेचे चालक पाटील, कोळेकर आणि गुरव यांच्यासह विद्यार्थी आणि पालकांनी या कार्यक्रमात सहभाग घेतला. योजनेत सहभागी विद्यार्थ्यांनी शिक्षणासोबत अर्थार्जन करून आपल्या पालकांना भेटवस्तू देऊन एक प्रेरणादायी उदाहरण घालून दिले. **— समाप्त —**