कोल्हापूर प्रोत्साहन पर अनुदान प्रश्नी महाराष्ट्र नवनिर्माण सेना कोल्हापूर मुख्यमंत्र्यांच्या विरोधात आक्रमक भूमिका. गोरगरीब व नियमित कर्जाची परतफेड करणाऱ्या शेतकऱ्यांच्या तोंडाला आश्वासनांची पानं पुसून कागदी घोडे नाचवून मराठा समाजाला जसं फसवलं त्याच पद्धतीने शेतकऱ्यांची फसवणूक करणाऱ्या मुख्यमंत्र्यांच्या कोल्हापूर दौऱ्याप्रसंगी मनसे कोल्हापूर तर्फे गनिमी काव्याने आक्रमक आंदोलन करण्याचा निर्धार महाराष्ट्र नवनिर्माण सेना कोल्हापूर तर्फे जिल्हाध्यक्ष राजू दिंडोर्ले व शहराध्यक्ष प्रसाद पाटील यांनी पदाधिकारी व शेतकऱ्यांच्या निर्धार बैठकीत व्यक्त केला. महाराष्ट्र नवनिर्माण सेनेतर्फे शेतकऱ्यांना न्याय मिळवून देण्यासाठी विभागीय निबंधक कार्यालयासमोर दि. 12 जानेवारी 2024 ते दि. 18 जानेवारी 2024 पर्यंत सलग ७ दिवस आमरण उपोषण करण्यात आले होते. सदरहू उपोषणाची दखल घेऊन मा. सहकार मंत्र्यांनी व सचिवांनी प्रशासकीय पातळीवर पंधरा दिवसात प्रोत्साहन पर अनुदान देण्याचे लेखी पत्र दिले होते. याबाबत सहकार विभाग यांच्याशी संपर्क साधला असता मा.मुख्य सचिवांची स्वाक्षरी होऊन सदरचा प्रस्ताव मंजुरीसाठी मा.मुख्यमंत्री कार्यालयाकडे सुपूर्द करण्यात आलेला आहे. तरी आजवर प्रशासनाने करत असलेल्या दिरंगाईच्या निषेधार्थ महाराष्ट्र नवनिर्माण सेना, कोल्हापूरच्या पदाधिकारी व कार्यकर्ते यांची कोल्हापूर दौऱ्यावेळी मा. मुख्यमंत्र्यांसमवेत बैठक आयोजित करून कोल्हापूर जिल्ह्यातील हजारो गोरगरीब शेतकऱ्यांना जिल्ह्याचे पालक म्हणून न्याय द्यावा अन्यथा उद्भभवणाऱ्या कायदा सुव्यवस्था व परिस्थितीस जिल्हाधिकारी व प्रशासन जबाबदार राहील अशा आशयाचे निवेदन देऊन सुद्धा जिल्हाधिकाऱ्यांनी शेतकऱ्यांच्या प्रश्नाला केराची टोपली दाखवण्याचा प्रयत्न केलेला दिसत आहे. तसेच मुख्यमंत्र्यांचा दौरा यशस्वी होऊ नये अशी खुद्द जिल्हाधिकाऱ्यांचीच इच्छा असल्याचा संशय गोरगरीब शेतकरी वर्गातून व्यक्त केला जात आहे. मराठा आरक्षण प्रश्न मराठा समाजाला फसवलं त्याच पद्धतीने गोरगरीब शेतकऱ्यांना न्याय मिळू न देता मुख्यमंत्र्यांच्या दौऱ्या वेळी कोल्हापूर मध्ये अराजकता निर्माण झाली पाहिजे.अशी इच्छा प्रशासनाची असल्याचे निदर्शनात येत असल्याने. यासंबंधी मा.जिल्हाधिकारी, मा जिल्हा पोलीस प्रमुख, मा.विभागीय सहनिबंधक, मा.जिल्हा उपनिबंधक, मा. मुख्य सचिव, मंत्रालय., मा. सहकार सचिव, मंत्रालय. यांना लेखी निवेदनातून शेतकऱ्यांच्या व्यथा पोहोचवून सुद्धा जाणीवपूर्वक शेतकऱ्यांची गळचेपी करण्याचे धोरण अवलंबणाऱ्या पांढरपेशी प्रशासनाला महाराष्ट्र नवनिर्माण सेना मनसे स्टाईलने जोरदार प्रत्युत्तर देण्याच्या तयारीत आहे. मुख्यमंत्र्यांच्या कोल्हापूर दौऱ्या वेळी महाराष्ट्र नवनिर्माण सेना, कोल्हापूर तर्फे काळे झेंडे दाखवून तसेच कोल्हापूर जिल्ह्यामध्ये विविध ठिकाणी शेतकऱ्यांसह महाराष्ट्र सैनिक गनिमी काव्याने प्रचंड आंदोलन करण्याच्या तयारीत आहेत. सहकार मंत्र्यांनी पंधरा दिवसांमध्ये प्रोत्साहन पर अनुदान शेतकऱ्यांच्या खात्यावर जमा करतो असं सांगून सुद्धा त्यांनी फसवणूक केल्याने मा. मुख्यमंत्र्यांचे सहकारी मंत्री हे शेतकऱ्यांच्या वरती ब्रिटिशी पद्धतीने जुलमी अत्याचार करत असल्याचे या ठिकाणी सिद्ध होत आहे. तरी मनसे स्टाईलने छेडण्यात येणाऱ्या आंदोलनाद्वारे उद्भभवणाऱ्या गंभीर परिस्थितीस जिल्हाधिकारी व पोलीस प्रशासन जबाबदार राहील. गोरगरीब शेतकऱ्यांच्या प्रोत्साहन पर अनुदान प्रश्नी मनसे कोल्हापूर तर्फे मा. मुख्यमंत्र्यांच्या विरोधात करण्यात येणाऱ्या आंदोलनासंदर्भी भूमिका विषद करण्यासाठी मनसे कोल्हापूर तर्फ पत्रकार परिषदेमध्ये गोरगरीब शेतकऱ्यांना न्याय देण्यासाठी मा मुख्यमंत्री महोदयांनी शेतकऱ्यांच्या प्रोत्साहन पर अनुदानावर स्वाक्षरी करून ते पैसे थेट शेतकऱ्यांच्या खात्यावरती जमा करावेत आणि मगच कोल्हापुरात प्रवेश करावा. अन्यथा महाराष्ट्र नवनिर्माण सेना कोल्हापूर तर्फे मुख्यमंत्र्यांच्या दौऱ्यामध्ये काळे झेंडे दाखवून मनसे पदाधिकारी कार्यकर्त्यांसह शेतकऱ्यांसमवेत गनिमी काव्याने आंदोलन करण्याचा इशारा मनसे जिल्हाध्यक्ष राजू दिंडोर्ले व शहराध्यक्ष प्रसाद पाटील यांनी दिला. चला उठा गोरगरीब शेतकऱ्यांसाठी संघर्ष करूया मुख्यमंत्र्यांच्या कडून प्रोत्साहन पर अनुदान शेतकऱ्यांच्या पदरात पडून घेऊया कोल्हापूर उदयराज वडामकर